FLASH
Shkruar nga Pamfleti
Kryeministri i Kosovës, Albin Kurti ka rënë dakord të takohet në Bruksel me Aleksandër Vuçiç.
Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka thënë se do t’i ftojë përfaqësuesit e Kosovës dhe Serbisë këtë javë në Bruksel, një takim urgjent për menaxhim të krizave. Presidenti i Serbisë, Aleksandar Vuçiç, veçse ka refuzuar të takohet me kryeministrin e Kosovës, Albin Kurtin.
Por Kurti ka thënë se është i interesuar që të shkojë në Bruksel. “Unë jam i gatshëm dhe i interesuar të shkoj në takimin e radhës në Bruksel, që të paraqes hollësisht këto të dhëna, dhe ta kuptojnë që ulja e tensioneve nënkupton lirimin e menjëhershëm dhe pakushte të tre policëve dhe dënimin e agresionit te Serbisë në Kosovë, ndërsa normalizimi nënkupton zbatimin e menjëhershëm të Marrëveshjes bazike”, tha ai.
Komuniteti ndërkombëtar i ka drejtuar tri kërkesa kryeministrit të Kosovës, Albin Kurti, lidhur me situatën në veri: Shtensionimin e situatës atje; Mbajtjen e zgjedhjeve të reja; Kthimin në dialogun për normalizimin e marrëdhënieve Kosovë-Serbi, të ndërmjetësuar nga Bashkimi Evropian.
Lini një Përgjigje