FLASH
Shkruar nga Pamfleti
Ish-kryenegociatorja e Kosovës në dialogun Kosovë-Serbi, Edita Tahiri, ka reaguar për sulmin në fshatin Banjskë të Zveçanit, ku për shkak të përplasjes së një grupi terrorist serb me forcat e policisë, mbeti i vdekur efektivi Afrim Boshnjaku.
"E tronditur nga vrasja e rreshterit të policisë tonë Afrim Bunjaku dhe plagosja e lëndimi i dy policëve tjerë, që ndodhi nga sulmi i nxitur nga dora e armikut në fshatin Banjskë të Zveçanit. Ky sulm është nxitur nga Serbia e cila synon që veriu i Kosovës të vehet nën protektoratin ndërkombëtarë që për pasojë mund të ketë ndarjen e veriut; skenarë ky djallëzor dhe hegjemon i Serbisë të cilën përpiqet ta realizoj që nga humbja e luftës në Kosovë. Përgjigjen ndaj këtij sulmi hegjemon duhet ta japin institucionet e Kosovës në koordinim të plot me Amerikën, KFOR-in dhe BE-në.
Ngushëllime familjes Bunjaku që humbi njeriun e dashur në krye të detyrës për të mbrojtur atdheun, Kosovën tonë!"-shkruan Tahiri.
Tahiri ka lavdëruar aksionet e mëpasshme të policisë në Kosovë për të neutralizuar dhe kapur anëtarët e grupit të armatosur serb.
"Policia e Kosoves na krenoi mposhti terroristet ne veri Ju lumte!"-ka deklaruar ajo.
Ndërkohë ditën e sotme, Presidentja e Kosovës, Vjosa Osmani e ka shpallur të hënën ditë zie në nderim të policit të vrarë, Afrim Bunjaku.
Lajmi është bërë i ditur nga presidenca përmes një postimi në Facebook.
Lini një Përgjigje