FLASH
Shkruar nga Pamfleti
Kryeministri në detyrë, Albin Kurti, ka deklaruar se Serbia sot më mirë se kurrë e ka kuptuar se Kosova është shtet, edhe pse vazhdon ta refuzojë njohjen.
Në Forumin Ekonomik Botëror në Davos të Zvicrës, Kurti ka thënë se Rusia kërcënon rajonin përmes Serbisë.
“Nga katër fqinj, tre na njohin. Vetëm Serbia nuk na njeh dhe nuk duhet se do ta bëjë së shpejti. Edhe pse mendoj se e kuptojnë më mirë se kurdo herë më parë që jemi shtet. Realiteti ka ndryshuar shumë. Por ajo që duhet të ndodhë është që të shuhet ëndrra e tyre për kthim. Po ashtu edhe ajo për Perandorinë Ruse apo ajo që është tash Federata Ruse. Perandoria Ruse nuk dëshiron fqinj, por kjo është e pamundur”, ka thënë ai në një bisedë me ish-diplomatin e politikanin britanik Rory Stewart.
Tek ka folur për veriun e Kosovës, Kurti shtoi se para 5-10 vitesh nuk ka pasur as liri për të ecur e folur shqip lirshëm.
Kurti ka deklaruar se kjo është arsyeja përse duhet më shumë solidaritet brenda kontinentit Evropian dhe vetë NATO-s. Sipas tij, Rusia dëshiron që t’i shkatërrojë të dyja, e Kina të arrijë fuqinë e SHBA-së.
“Kushdo që ndihmon fqinjin tonë në përpjekjet për të destabilizuar, na shkakton edhe neve probleme. Kërcënimi jonë për këtë është Rusia”, tha Kurti.
Duke folur për ndryshimet gjeopolitike, ai shtoi se ka turbulenca që janë të paparashikueshme. Kurti shtoi se duhet të ketë bashkëpunim më të shtuar brenda NATO-s, por edhe aleanca rajonale.
Lini një Përgjigje