FLASH
Shkruar nga Pamfleti
Deputetja britanike, Alicia Kearns ka kritikuar sërish ashpër ndërkombëtarët, për qëndrimin që janë duke mbajtur ndaj Serbisë, në raport me çështjen e Kosovës.
Përmes një postimi në platformën “X” ajo thotë se pavarësisht fakteve që implikojnë Serbinë si agresore ndaj Kosovës, ndaj saj nuk është marrë ende asnjë masë sanksionuese.
Ajo e quajti të dështuar diplomacinë perëndimore, pasi sipas saj, Kosova është ende nën sanksion në një kohë kur serbi, ka vrarë një oficer policie, ka armatosur paraushtarakët dhe ka dëmtuar ushtarët e NATO-s.
“Radoiçiç mbetet i lirë në Serbi. Ende nuk ka masa për Beogradin nga Britania e Madhe, SHBA, BE, pavarësisht vrasjes së oficerit të policisë, armatosjes së paraushtarakëve, rrëmbimit të policëve, as rolit në plagosjen e rëndë të trupave të NATO-s. Megjithatë, Kosova mbetet nën sanksionet e BE-së. Diplomaci parandaluese?”, tha Kearns.
Kjo nuk është hera e parë që Kearns reagon dhe kërkon që të mbahet një qëndrim i drejtë ndaj Kosovës, duke bërë përgjegjëse Serbinë edhe për konfliktet e mëparshme.
Lini një Përgjigje