FLASH
Shkruar nga Pamfleti
Kuvendi nisi shqyrtimin e projektbuxhetit për vitin 2026, ndërsa kryetari i Lidhjes Demokratike të Kosovës, Lumir Abdixhiku, kundërshtoi përmbajtjen e tij dhe drejtimin ekonomik të Qeverisë që pritet të formohet sërish nga Vetëvendosje.
Në fjalën e tij, Abdixhiku vuri theksin te niveli i varfërisë dhe mungesa e objektivave zhvillimore në dokumentin financiar.
Ai deklaroi se “Kosova është vendi më i varfër në Evropë dhe ky buxhet nuk ka ambicie, dhe si i tillë do ta mbajë Kosovën si vendin më të varfër në Evropë. Të flasësh për euro, për pare, pa e përmendur inflacionin, sa është gabim politik, aq edhe qëllim propagandistik.
Nga dita e parë të Qeverisë së VV-së e deri më sot, inflacioni në Kosovë është plot 30%, rritja më e madhe. Paraja para pesë viteve ka qenë 30% më e vlefshme. Politikat tuaja po e gërryejnë bazën prodhuese të Kosovës”.
Sipas tij, rritja e çmimeve gjatë viteve të fundit ka ndikuar drejtpërdrejt në fuqinë blerëse dhe ka ulur vlerën reale të të ardhurave të qytetarëve.
Shqyrtimi i projektbuxhetit për vitin 2026 do të vijojë me diskutime të tjera në seancat e ardhshme.
Lini një Përgjigje