FLASH
Shkruar nga Pamfleti
Ambasada e SHBA-së ka uruar Kosovën për Ditën e Kushtetutës.
Në një postim në 15-vjetorin e miratimit të Kushtetutës, Ambasada e SHBA-së ka thënë se është krenare t’i përkrahë popullin dhe institucionet e Kosovës.
“Urime Dita e Kushtetutës, Kosovë! Krenarë që përkrahim popullin dhe institucionet e Kosovës”, ka shkruar Ambasada e SHBA-së në Facebook.
Sot janë bërë 15 vjet nga miratimi i Kushtetutës së Republikës së Kosovës.
Kushtetuta e Kosovës u ratifikua më 9 Prill 2008 dhe hyri në fuqi më 15 Qershor 2008. Kushtetuta është akti më i lartë juridik, që garanton të drejtat dhe liritë themelore të të gjithë qytetarëve të vendit.
Pjesa më e madhe e kësaj kushtetute rrjedh nga Plani i Martti Ahtisaarit, duke i dhënë kështu të drejta specifike grupeve minoritare dhe një ambient më të sigurt për të gjithë qytetarët e Kosovës.
Kushtetuta e përcakton Kosovën si një shtet me pikëpamje neutrale ndaj fesë, neni 8. Ajo ka 14 kapituj dhe 162 nene.
9 Prilli është zyrtarisht festë shtetërore në Kosovë.
Lini një Përgjigje