FLASH
Shkruar nga Pamfleti
Kryetari i PD-së, Sali Berisha sulmoi ashpër ditën e sotme Sekretarin e Shtetit, Antony Blinken për shpalljen e Altin Dumanit si kampion i anti-korrupsionit.
Sipas Berishës, Blinken dhe Dumani morën pjesë në grushtin e shtetit në Shqipëri ndaj opozitës së vendit.
“Përbën një zhvillim negativ marrja e kompetencave të komisionerëve publikë nga Dumani. Kreu i një organizate kriminale merr në dorë për të verifikuar të tjerët, në një kohë kur ai me veprimtarinë e tij duhet të jetë në qeli. Ai fle mbi krimin, fsheh krimin. Ai është pronari i tre shtëpive me rrogë shteti. Nuk ka qytetar që ka punuar në shtet që mund të blejë 3 shtëpi pa kredi. Unë e shita atë që kisha, e cila ishte 40 m2 më pak se kjo që mora, shtova lekë dhe bleva 40 metra. Blinken e shpalli kampion se ishte autor i grushtit të shtetit që Blinken ndërmori vet kundër opozitës shqiptare”, tha Berisha.
Sipas tij “ajo që bëri Blinken dhe Soros ishte një grusht shteti ndaj demokracisë shqiptare. Dumani hyri në lojë me urdhër të amerikanëve të Ramës në momentin që ata dështuan kur u treguan barin demokratëve”.
Kreu i SPAK, Altin Dumani është dekoruar nga Sekretari Amerikan i Shtetit, Antony Blinken si “kampion i antikorrupsionit”.
Vlerësimi u bë me 9 Dhjetor në një ceremoni të zhvilluar në Departamentin e Shtetit, ku morën pjesë edhe zyrtarë të lartë amerikanë.
Në fjalën e tij, Blinken tha se ” Dumani ka bërë një punë të jashtëzakonshme në luftën kundër korrupsionit”.
Lini një Përgjigje