FLASH
Shkruar nga Pamfleti
Ish-deputeti demokrat, Ervin Salianji i është përgjigjur Sali Berishës, i cili takimet e tij me demokratët i ka quajtuar axhendë për interesin e tij personal. Në emisionin 5 pyetjet nga Babaramo, Salianji thotë se i vetmi interes i tij është që të bëjë çdo përpjekje për largimin e Edi Ramës, ndërsa thekson se PD ka nevojë të ristrukturohet.
“Kam vetëm axhende publike, axhendat private janë jopublike minimalisht. E vetmja axhendë personale që kam është të largoj qeverinë dhe do bëj çdo përpjekje pasi Rama e ka kthyer private çështjen me mua duke me burgosur. E vetmja gjë personale që mund të kem, në kuadrin politik, është që Rama të largohet një orë e më parë. Takimi ka qenë publik, me gjithë strukturat e PD në Durrës. Demokratët janë zhgënjyer për shkak të braktisjes, neglizhencës, mos marrjes së mendimit, mosdëgjimit të vendimmarrjeve”, tha Salianji.
Edhe pse sot mori pjesë në protestën e Berishës para kryeministrisë, Salianji e kritikon këtë format proteste duke thënë se Rama nuk largohet me muzikë.
“Me muzikë nuk largohet Rama, nuk është xhind. Duhet reagim i fortë. Ca më duhen mua funksionet, kur shohim që kemi pak njerëz, na mungon një bulevard me njerëz, PD edhe kur ka qenë e përçarë, kur ka lajmëruar protestë, bluevardi ka qenë plot”, tha ai.
Në Prill keni zgjedhjet për Kryetar të PD, apo jo? Ti do jesh kandidat për kryetar të PD. Në fund fiton Ti?