FLASH
Shkruar nga Pamfleti
Ambasadori i Bashkimit Evropian në vendin tonë, Silvio Gonzato i dorëzoi sot kryeministrit Edi Rama progres raportin e KE për Shqipërinë.
Në fund të konferencës, kryeministri Edi Rama shmangu komentet lidhur me hetimet që po zhvillon SPAK ndaj zëvendëskryeministres dhe ministres së Infrastrukturës, Belinda Balluku.
Gjatë konferencës për shtyp të mbajtur pas publikimit të raportit të Komisionit Europian, Rama u pyet nga gazetarët mbi hetimin ndaj Ballukut, por zgjodhi të mos japë asnjë përgjigje dhe të mbyllë konferencën me ambasadorin e BE.
Pyetja iu bë në anglisht, me qëllim që të dëgjohej edhe nga diplomati i BE.
Pas pyetjes, kryeministri mbylli konferencën, duke mos bërë asnjë koment mbi kete çështje.
Lini një Përgjigje