FLASH
Shkruar nga Pamfleti
Pas “periudhës së paqes” me Nikon në krye të Kuvendit, Edi Rama po përgatitet për një fazë agresive politike. Balla pritet të marrë drejtimin e Parlamentit për të udhëhequr betejën për ndryshimet kushtetuese dhe ligjore...
Kryetari i grupit parlamentar të PD-së, Gazment Bardhi, në një replikë me kryeparlamentarin Niko Peleshi, lëshoi batutën: “Bëhu gati për të lënë postin që sapo more”.
Një deklaratë që në pamje të parë u mor si shaka, por që në fakt përputhet me lëvizjet që po ndodhin në prapaskenë brenda mazhorancës.
Që në momentin e zgjedhjes së Nikos si kryetar Kuvendi, në korridoret e PS-së është përfolur se mandati i tij do të jetë i shkurtër. Sipas burimeve, rrokada është planifikuar për fillimin e vitit 2026 dhe do të sjellë në krye të Kuvendit Taulant Ballën, një nga njerëzit më besnikë të Edi Ramës.
Ky ndryshim shihet si pjesë e “fazës së luftës”, që kryeministri e ka paralajmëruar për periudhën pas fundvitit, me synim nisjen e reformave të mëdha ligjore dhe kushtetuese. Burime nga grupi socialist konfirmojnë se Rama e konsideron Peleshin “njeriun e periudhës së paqes”, ndërsa Ballën si figurën që duhet të udhëheqë përplasjet e ardhshme në Parlament.
Në planet e Ramës përfshihen rishikimi i ndarjes territoriale, ligji i ri zgjedhor dhe një ndryshim i mundshëm kushtetues për zgjedhjen e Presidentit me votë popullore. Damian Gjiknuri dhe Oerd Bylykbashi po punojnë për detajet e këtyre ndryshimeve, që pritet të futen në kalendarin e Kuvendit brenda vitit të ardhshëm.
Nëse zhvillimet në SPAK do të jenë në favor të qeverisë, faza e re politike e Ramës mund të nisë që në janar. Në të kundërt, ajo do të shtyhet për në pranverë me Taulant Ballën në krye të Kuvendit, për të drejtuar “luftën” e re të mazhorancës./Pamfleti
Pa u bërë rrokada, besoj do kemi përgjigje nga analizat e mbetjeve të Kurumit kthyer nga Tailanda. Si dhe hetim kryesisht nga Prokuroria për deklarime apo dyshime, për groposje të mbetjeve të rrezikshme në tunele apo galeri minierash.
Po dhe ki nikua, fiks si pe leshi.