FLASH
Shkruar nga Pamfleti
Është e pashpjegueshme mania e Ramës për të mbledhur pranë vetes, spiunët e shkarkuar të shërbimeve të huaja.
Kryeministri Edi Rama pa asnjë transparencë ka emëruar si këshilltar të jashtëm Florian Coldea, ish drejtor i Shërbimit Sekret Rumun, i cili është nën hetim për korrupsion.
Coleda është referuar si drejtuesi i një linje trafiku ndërkombëtar të kokainës, që transportohej nga Meksika në Shqipëri dhe më pas nga Shqipëria në Rumani.
Kreu i grupit Parlamentar të PD-së, Gazment Bardhi ka akuzuar kryeministrin për këtë emërim dhe ka kërkuar zyrtarisht një interpelancë urgjente me Kryeministrin Edi Rama, i cili sipas tij duhet të japë llogari para Parlamentit dhe qytetarëve.
Bardhi deklaroi se po bëhen rastësi të shumëfishta që në çdo aferë të organizatave kriminale, përfshirë krimin e organizuar ndërshtetëror, dalin lidhjet personale apo institucionale të Edi Ramës. Më tej ai theksoi se do të bëjnë një denoncim në SPAK për rolin e këshilltarit të ri të Ramës.
Është e pashpjegueshme mania e Ramës për të mbledhur pranë vetes, spiunët e shkarkuar të shërbimeve të huaja. Kjo pasi përveç rastit të freskët të ish-agjentit sekret rumun Florian Coldeas, është edhe ai i Vlora Hysenit. Ajo u shkarkua nga shërbimi i Kosovës, ndërsa Rama e mori si këshilltare dhe më pas e emëroi në krye të SHISH.
Postimi i plotë i Bardhit:
Edi Rama pa asnjë transparencë ka emëruar si këshilltar të jashtëm Florian Coldea, ish drejtor i Shërbimit Sekret Rumun. Ish agjenti sekret rumun është nën hetim për korrupsion, si dhe është referuar si drejtuesi i një linje trafiku ndërkombëtar të kokainës, që transportohej nga Meksika në Shqipëri dhe më pas nga Shqipëria në Rumani.
Në emër të Grupit Parlamentar të Partisë Demokratike, kam kërkuar zyrtarisht një interpelancë urgjente me Kryeministrin Edi Rama, i cili duhet të bëjë transparencë për Kuvendin dhe qytetarët shqiptar: (1) Si është njohur me këshilltarin e tij të jashtën Coldea dhe a ka cënuar kjo sigurinë kombëtare për shkak të funksionit të tij si punonjës i shërbimeve të huaja sekrete; dhe (2) Cili ka qenë roli i z. Coldea dhe çfarë veprimtarie këshillimi konkretisht ka kryer ai për Kryeministrin e Shqipërisë dhe për të cilën është paguar më taksat e shqiptarëve, ndërkohë që udhëhiqte një linjë të trafikut ndërkombëtar të kokainës nga Shqipëria në Rumani.
Është rastësi e shumëfishtë që në çdo aferë të organizatave kriminale, përfshirë krimin e organizuar ndërshtetëror, përfshihen lidhje personale apo institucionale të Edi Ramës, ndërkohë që ky i fundit hesht. Por nuk është asfare rastësi që në qeverisjen 11 vjecare të Edi Ramës, krimi i organizuar jo vetëm është fuqizuar, por ka përfaqësues të tij në çdo institucion. Shqipëria, një vend kandidat për anëtarësim në BE dhe një vend anëtar i NATO-s, nuk meriton të qeveriset nga krimi i organizuar.
Grupi Parlamentar i Partisë Demokratike do të kërkojë edhe zyrtarisht nga SPAK të hetojë rolin e Këshilltarit të Jashtëm të Edi Ramës në Shqipëri dhe sesi ka ndikuar marrëdhënia e tij me Edi Ramën për realizimin e veprimtarive të dyshuara kriminale të trafikut ndërkombëtar të kokainës nga Meksika në Shqipëri dhe nga Shqipëria në Rumani.
Lini një Përgjigje