FLASH
Shkruar nga Pamfleti
Kryeministri Edi Rama shprehu mirënjohjen e thellë për Gianni Buquicchio, ish-kryetarin e Komisionit të Venecias, për durimin dhe përpjekjet e tij gjatë bashkëpunimit me Shqipërinë.
Rama ka bërë edhe batuta me ish-kryetarin e Komisionit të Venecias, duke i thënë se duhet të kesh durim të hekurt që të merresh me shqiptarët.
"E kam të pamundur të mos e mbyll me një falënderim për Gianni Buquicchio për durimin që ka pasur. Durim që merr tipar heroik, po të mendosh që Gianni është italian dhe që tregon sa nevoje ka për durim kur ke të bësh me ne shqiptarët edhe pse mund të jesh italian që nuk je pjese e një kombi që nuk shquhet për virtytin e durimit. Për të gjitha atë durim dhe përpjekje për të lundruar në dallgët e politikës shqiptare dhe për të gjetur pikën e ekuilibrit mes shumë ekstremeve që të është dashur të ballafaqohesh, unë të jam shumë mirënjohës. Nuk ka pikë dyshimi që nëse Shqipëria nuk do të dedikojë një monument dhe më mirë mos ta dedikojë se ne me monumentet kemi një raport jo shumë afat gjatë, ti meriton një monument në kujtesën e atyre që kanë punuar ne komisionin e Venecias", u shpreh Rama.
Lini një Përgjigje