FLASH
Shkruar nga Pamfleti
Në përfundim të seancës së sotme plenare në Kuvend, u miratuan 4 projektligje të rendit të ditës, përfshirë ratifikimin e marrëveshjes, për hapjen e degës së Kolegjit të Evropës në Tiranë.
Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe Kolegjit të Evropës, për hapjen e degës së Kolegjit të Evropës në Tiranë, opozita bashkoi vota me mazhorancën dhe duke e miratuar atë me 99 vota pro dhe asnjë kundër.
Ndërsa për projektligjet e tjera pati edhe vota kundër dhe abstenime nga ana e deputetëve të opozitës, konkretisht:
Projektligji “ Për disa shtesa dhe ndryshime në ligjin nr. 107/2016, “Për prefektin e qarkut”, u miratua me 71 vota pro dhe 27 kundër
Projektligji “ Për disa shtesa dhe ndryshime në ligjin nr.59/2014,“Për karrierën ushtarake në Forcat e Armatosura të Republikës së Shqipërisë”, të ndryshuar”, u miratua me 72 vota pro dhe 25 kundër, 2 abstenim
Projektligji “Për disa shtesa dhe ndryshime në ligjin nr.82/2021, “Për përkthimin zyrtar dhe profesionin e përkthyesit zyrtar”, u miratua me 71 vota pro, 25 kundër dhe 2 abstenim.
Lini një Përgjigje