FLASH
Shkruar nga Pamfleti
Nesër mbushen 15 vite nga masakra e 21 Janarit 2011, ku mbetën të vrarë katër protestues të pafajshëm gjatë protestës së organizuar nga Partia Socialiste.
Në prag të këtij përvjetori, deputeti i PS Erion Braçe ka ripostuar fjalën e tij të mbajtur në Kongresin e Partisë Socialiste, në dhjetor të 2023, duke kërkuar drejtësi për katër protestuesit të cilëve ju pre jeta padrejtësisht në mes në Bulevardin “Dëshmorët e Kombit”.
Braçe thekson se asnjëherë nuk do të “përmbahet” dhe se nuk do të reshtë së kërkuari drejtësi, pasi 21 Janar ishte një pushkatim politik nga shteti.
Postimi i Braçes:
15 vite nesër
Pse duhet të përmbahem?? Pse??
Forca vdekjeprurëse, përdorimi i forcës vdekjeprurëse është monopol i shtetit.
Por në kushte të ligjshme ama!
Përdorimi i forcës vdekjeprurëse nga shteti,
në shkelje të ligjit është vrasje me dashje, pushkatim!
Pushkatim ka ndodhur!
Është i vetmi pushkatim politik nga shteti
në demokraci!
Asnjë i shpallur fajtor për pushkatimin,
asnjë i dënuar, asnjë në burg në vuajtje të dënimit!
15 vite imunitet!
Kujtojmë se më 12 mars 2024, Gjykata e Lartë, pas vendimit të Strasburgut, urdhëroi SPAK-un të hetojë 21 Janarin si krim shtetëror dhe të zbardhë përgjegjësitë e drejtuesve të lartë, përfshirë Berishën, Bashën dhe Ndrea Prendin, për vrasjen e katër protestuesve Hekuran Deda, Ziver Veizi, Faik Myrtaj dhe Aleks Nika.
Në korrik të po atij viti, SPAK njoftoi se kishte regjistruar zyrtarisht procedimin penal për vrasjen e katër protestuesve. Deri më tani në vazhdën e hetimeve për zbardhjen e plotë të kësaj ngjarje është pyetur edhe Sali Berisha si dhe Lulzim Basha.
Lini një Përgjigje