FLASH
Shkruar nga Pamfleti
Presidenti i Bajram Begaj në ditën e nisjes së muajit të shenjtë të Ramazanit, u ka uruar besimtarëve myslimanë, agjërim sa më të lehtë për të gjithë.
Në një postim në rrjete sociale, Begaj gjithashtu iu bë thirrje besimtarëve për ta shfrytëzuar këtë mundësi për t’u bërë njerëz më të mirë e për ta bërë edhe vendin tonë më të begatë!
“Ramazan sa më të begatë e agjërim sa më të lehtë për të gjithë besimtarët myslimanë!
Uroj që bujaria dhe solidariteti, dy tipare thelbësore të këtij muaji, të mbizotërojnë te secili nga ne për t’u afruar më shumë me Zotin. Le të kujtojmë e të kujdesemi dhe për ata që pamundësia i ka bërë të mos gëzohen si gjithë të tjerët, e t’i ndihmojmë me bindjen e plotë se dhënësi përfiton më shumë se marrësi.
Muaji i Ramazanit mbart në vetvete edhe një tjetër bekim: mundësinë për të ruajtur lidhjet familjare e për të respektuar çdokënd me të cilët bashkëndajmë këtë vend.
Le ta shfrytëzojmë këtë mundësi për t’u bërë më të mirë e për ta bërë edhe vendin tonë më të begatë!”, shkruan Presidenti Begaj.
Lini një Përgjigje