FLASH
Shkruar nga Pamfleti
Tedi Blushi e ka cilësuar si të neveritshëm dhe të papranueshëm vendimin e GJKKO-së për të lënë në burg presidentin e Partisë së Lirisë, Ilir Meta.
Gjatë konferencës për media, Sekretari i Përgjithshëm Partisë së Lirisë tha se vendimi është akt i rëndë që tregon rënien e shtetit ligjor. Blushi shtoi se ky vendim u dha me urdhër të Ramës, që sipas tij tregon kapjen për fyti të drejtësisë e vënë në shërbim të pushtetit.
“Vendimi i sotëm politik të kamikazëve të Ramaformës në GJKKO, apo Gjykatën Kombëtare kundër opozitës, për të lënë në burg politik, pa prova dhe pa fakte, presidentin e Partisë së Lirisë, Ilir Meta, i ndikuar nga mafia ndërkombëtare dhe i urdhëruar personalisht nga Edi Rama është akt i rëndë që tregon rënien e shtetit ligjor. Tregon kapjen për fyti dhe asgjësimit të drejtësisë të vendosur në shërbim të pushtetit.
Ky vendim i turpshëm, i neveritësh, i papranueshëm, kundër opozitës, konfirmon rrëshqitjen e Shqipërisë në diktatorë, është vijim i agresionit të pastër terrorist të narkoshtetit dhe mafies ndërkombëtare kundër presidentit Ilir Meta, PL, opozitarizimit të vërtetë, demokracisë, që u konsumua sot në sallën e gjyqit”, tha Blushi.
I pyetur për shëndetit e Presidentit të PL-së, Blushi tha se është në gjendje të shkëlqyer.
“Gjendja shëndetësore e zotit Meta është e shkëlqyer. Asnjë merak të mos keni. Nëse i ndodh ndonjë gjë në burg, përgjigja do të mbajë Ei Rama”, u shpreh Blushi.
Lini një Përgjigje