FLASH
Shkruar nga Pamfleti
Kryetarja e Kuvendit Elisa Spiropali ka mbyllur seancën plenare, e cila zgjati rreth 15 minuta. Në këtë seancë u miratua kalendari i punimeve, për periudhën 29 maj-8 korrik 2025.
I pari që mori fjalën në Kuvend ishte kreu i PD Sali Berisha. Ky i fundit tha se zgjedhjet ishin një “farsë”, ndërsa akuzoi mazhorancën se ka manipuluar votat me ndihmën e parave të krimit dhe karteleve të drogës.
Spiropali i ndërpreu fjalën kreut të PD, ndërsa iu drejtua Berishës duke i thënë se: “Koha juaj ka perënduar”.
"Të heq të drejtën e fjalës, s’mund të vish këtu pas humbjes tënde turpëruese dhe të tentosh të prishësh Kuvendin e Shqipërisë. Ky është rendi i ditës, keni bërë kërkesë, s’mund të flasësh, e ke mbyllur siç e ke mbyllur gjithmonë. Mbyllet seanca plenare", tha Spiropali.
Lini një Përgjigje