FLASH
Shkruar nga Pamfleti
Kryeministri Edi Rama, përmes një postimi në rrjetet sociale, ka ndarë një mesazh për zgjedhjet parlamentare të 11 majit.
Rama i ka drejtuar një apel demokratëve që të lenë llogoren e tyre dhe të votojnë për Partinë Socialiste.
Kreu socialist shprehet se Shqipëria në BE është përtej të majtës dhe të djathtës.
“Dil nga llogorja partiake, lëre fanellën me logon e Kënetës apo moçalishteve të vogla rreth saj, bëhu bashkë me shumicën e popullit më 11 maj, e me votën për mua e PS, mbështete edhe ti skuadrën kombëtare të negociatave për hyrjen e Shqipërisë në Bashkimin Europian dhe fute mirë në kokë, Shqipëria në BE është përtej të majtës e të djathtës”, shkruan Rama.
Kryeministri po e përqëndron fushatën për zgjedhjet e 11 majit, ku ai kërkon mandatin e 4-t rradhazi, te anëtarësimi i Shqipërisë në BE. Rama ka kërkuar një votë masive për të dhe Partinë Socialiste duke përcaktuar si objektiv 1 mln vota, aq sa mori në 2013 kur ishte në koalicion me Ilir Metën dhe shumë parti të tjera, kur fitoi mandatin e parë për të formuar qeverinë.
Lini një Përgjigje