FLASH
Shkruar nga Pamfleti
Kryeministri Edi Rama ka treguar procedurat që do të ndiqen për kompensimin e dëmeve të shkaktuara nga zjarret në vend.
Përmes një postimi në rrjetet sociale, ai shprehet se çdo bashki do të vlerësojë dëmet në zonat e saj.
Ndërsa sa u takon banesave të djegura totalisht, ato do të ndërtohen nga e para nga vetë shteti.
“Vlerësimi dhe kompensimi i dëmeve të shkaktuara nga zjarret do të realizohet në çdo bashki të prekur, sipas një procedure të veçantë, e cila nis me evidentimin e tyre nga Grupi i Konstatimit për inventarizimin e dëmeve.
Ky grup realizon inventarizimin e dëmeve në banesa infrastrukturë, biznese, kultura bujqësore, mjete mekanike, objekte social-kulturore dhe plotëson formularët me kostot financiare.
Më pas, bashkitë përgatisin listat për subjektet e dëmtuara dhe dokumentacionin përkatës dhe pas vlerësimit financiar çdo bashki përcaktohen koston e kompensimit, i cili kryhet nga fondet e bashkisë së prekur, përmes fondit për mbrojtjen civile.
Kujt humbi shtëpinë do t’ia rindërtojmë falas dhe kujt humbi krerët do t’ia rifinancojmë një më një”, shkruan Rama.
Lini një Përgjigje