FLASH
Shkruar nga Pamfleti
Thellohet përplasja mes Adriatik Lapajt dhe Endri Shabanit.
Vetëm pak minuta pas deklaratës së ashpër të kreut të Koalicionit "Nisma Shqipëria Bëhet" nuk ka hezituar të reagojë aleati i tij.
Shabani nëpërmjet një postimi në rrjetin social "Facebook", i është përgjigjur ironikisht Lapajt me poezinë e famshme të Kiço Spirit.
"Mora pushkën dola malit,
Të luftoja për atdhe,
Ku ta dija unë i varfri,
Se armiku ishim ne.
Mora pushkën dola malit
Të luftoja në furtunë;
Ku ta dija unë i ngrati
Se armiku isha unë”, shkruan Shabani.
Shkak i sherrit mes Shabanit dhe Lapajt është bërë Zeqir Kordhoni, daja i kreut të Nismës Thurje. Ai ishte kandidat në listën e mbyllur të Tiranës në zgjedhjet e 11 majit. Lapaj dhe Shabani bënë një pakt që të fusnin familjarë te lista e mbyllur dhe më pas ata të dorëhiqeshin dhe mandatet të caktoheshin te lista e hapur. Por Kordhoni ka ndërruar mendje. Ai sot deklaroi në KQZ se tërhiqet nga dorëheqja dhe kërkon mandatin.
Por Lapaj e sheh si goditje nga Shabani, pasi ka pasur përplasje mbi premtimin e Lapajt se do të refuzonte mandatin nëse koalicioni merrte vetëm 1 mandat. Por Lapaj ka ndërruar mendje dhe kjo ka ndezur konfliktin. Vetë Lapaj në një reagim goditi fort Shabanin dhe dajën e tij.
“Është angazhuar gjithë këneta si e si të mos shkoj unë në Kuvend. Po sa tmerr më keni?! O të mjerë, unë nuk pranoj shantazh e as shitem. Zeqiri (dajo i Endrit) dhe nipi i tij Endri Shabani të cilit i shtriva dorën e bashkimit nuk do marrin asnjë mandat. Qameti do ndalojnë mua të shkoj në Parlament. Është një popull i tërë dëshmitar se Endri Shabani u angazhua për hapjen e listave dhe doli garant për familjarët e vetë. Nëse Endri Shabani do të mbahet mend kështu në jetën publike, mbarë u shkoftë bashkë me dajon”, shkruante ai.
Lini një Përgjigje