FLASH
Shkruar nga Pamfleti
Nënkryetari i Partisë Demokratike, Kreshnik Çollaku ka komentuar situatën brenda kampit blu. Ai tha se nuk ka më bashkim me grupin e Berishës, pasi kanë bërë çdo përpjekje, por sipas tij Berisha preferoi të ringrejë një fantazmë si LSI që i fali votat dhe anëtarët e Këshillit Bashkiak.
"Është lojë karrigesh dhe kolltukësh. Kjo është një sfidë. S’kemi asnjë minutë kohë për tu marrë me telenovela. Të mblidhen ku duan, të bëjnë ca duan. Secili është në të drejtën e vet, por kohë të vazhdojmë të merremi me telenovelën e PD nuk kemi më. I kemi kushtuar çdo vit për të bashkuar kokat. Është e pamundur sepse nuk ka asnjë lloj vullneti, situata e ndarjes po përdoret si kapital politik ose për tu mbrojtur nga sulmet e aleatëve apo ringritjen nga varri të partive të tjera politike si LSI. Prandaj janë gati që të falin bashkitë socialistëve. Ua ofruam siglën pa asnjë lloj kushti, bën një proces të njëanshëm, u thamë ti japim siglën, u preferua të ngrihej një fantazmë si LSI, iu falën votat dhe këshilltarët. E njëjta histori po ndodh në Kukës", tha Çollaku për "Report Tv".
Sa i takon takimit mes deputetëve të Bardhit dhe Berishës, Çollaku tha se nuk kanë asnjë vlerë.
"Mblidhemi në salla hoteli e bëjmë sikur bëjmë takime, ca vlera ka nëse humbet Kukësi", u shpreh Çollaku.
Nënkryetari i PD tha se do nisin zgjedhjet në çdo degë të partisë në të gjithë vendin.
"Ne sot mbledhim kryesinë dhe do përcaktojmë kalendarin për ristrukturim, zgjedhjet në çdo degë dhe seksion në gjithë territorin, duam ta mbyllim për një periudhë një apo dy mujore", vijoi ai.
Lini një Përgjigje