FLASH
Shkruar nga Pamfleti
Juristi Kreshnik Spahiu ka komentuar protestat e Rithemelimit dhe Partisë së Lirisë para bashkisë së Tiranës.
Sipas tij, kryeministri Edi Rama nuk është i shqetësuar nga këto protesta, pasi nga ato nuk dëmtohet pushteti në zgjedhjet e ardhshme parlamentare.
“Rama nuk është fare i shqetësuar për protestat para bashkisë së Tiranës, pasi nga 12 vite lëvizje ‘Rama ik’ u katandis në ‘Veliaj ik’. Çuditërisht të gjitha kauzat për të larguar Ramën janë shpërbërë janë venitur dhe tani ka vetëm një aksion për të larguar Veliajn. Pse duhet të jetë i shqetësuar Rama kur ka arritur një marrëveshje me grupin e Sali Berishës, ka mundur ta ulë në Parlament? Mendoj se Rama është i lumtur se nga protestat në bashki nuk dëmtohet pushteti në zgjedhjet e ardhshme parlamentare”, tha Spahiu.
Pesë protesta janë mbajtur para bashkisë së Tiranës e cila u shoqërua dhe me thirrjet "Lironi Sali Berishen' nga arresti në shtëpi për aferën Partizani.
Edhe potesta e 26 prillit, e katërt e Rithemelimit dhe Partisë së Lirisë përpara Bashkisë së Tiranës u shënjua sërish nga episode të dhunshme. Bombat molotov ndaj godinës rrezikuan policët, ndërsa këshilltarët opozitarë tentuan të çanin gardhin metalik e të hyjnë me forcë në bashki.
Lini një Përgjigje