FLASH
Shkruar nga Pamfleti
Kryetari i Partisë Demokratike, Lulzim Basha, është ndalur sot në fshatin Buzë Madh, në Fier ku bisedoi me fermerët e kësaj zone mbi problemet e sektorit të bujqësisë, për të cilin u shpreh se është prekur nga korrupsioni.
Me anë të një postimi në rrjetin social “Facebook”, Basha tha se rritja e çmimeve, mungesa e mbështetjes, rënia e fuqisë blerëse, i ka vendosur fermerët shqiptarë në kufijtë e mbijetesës.
Ndërsa ka ndarë disa foto nga takimi me fermerët, Basha shprehet më tej se “pezullimi i granteve të programit IPARD, tregoi makutërinë e kësaj qeverie, që abuzon me fondet dhe lë në mëshirë të fatit fermerët e ndershëm të këtij vendi.
“Me banorë të fshatit Buzë Madh në Njësinë Administrative Cakran biseduam për problemet që ka sot sektori i bujqësisë.
Rritja e çmimeve, mungesa e mbështetjes, rënia e fuqisë blerëse, i ka vendosur fermerët shqiptarë në kufinjtë e mbijetesës. Korrupsioni i përhapur kudo po shkatërron dhe sektorin e bujqësisë.
Edhe fondet e BE që ishin në mbështetje të fermerëve përfunduan te klientët e zakonshëm të qeverise për të ndërtuar restorante e vila në komplekset luksoze. Pezullimi i granteve të programit IPARD, tregon makutërinë e kësaj qeverie, që abuzon edhe me fondet e BE-së, duke lënë në mëshirë të fatit fermerët e ndershëm të këtij vendi. Shqipëria ka mundësi pa fund, PD po punon që ato të shndërrohen në mirëqenie për qytetarët tanë”, shkruan Basha.
Lini një Përgjigje