FLASH
Shkruar nga Pamfleti
Presidenti i SHBA Donald Trump tha se ende beson se Kanadaja duhet të bëhet shteti i 51-të në SHBA, gjatë takimit me kryeministrin kanadez Mark Carney në Shtëpinë e Bardhë.
“Unë besoj se do të ishte një ulje masive e taksave për qytetarët kanadezë. Ju merrni ushtri falas, kujdes mjekësor të jashtëzakonshëm, gjëra të tjera. Do të kishte shumë përparësi”, tha Trump.
Trump u shpreh se është zhvillues i pasurive të paluajtshme ndërsa shtoi se kur i pa të dy vendet së bashku “thashë se kështu duhej të ishte”.
“Por ne nuk do ta diskutojmë këtë nëse dikush nuk dëshiron ta diskutojë”, shtoi presidenti.
Carney kundërshtoi dhe i tha Trumpit se: “Siç e dini nga pasuritë e paluajtshme, ka disa vende që nuk janë kurrë në shitje”.
“Nuk është në shitje. Nuk do të jetë kurrë në shitje”, shtoi kryeministri kanadez.
Trump tha gjithashtu se këmbëngulja e Carney-t se Kanadaja nuk është në shitje nuk do të ndikojë në diskutimet që palët kanë sot.
Ai theksoi se vetëm koha do ta tregojë dhe iu drejtua Carney-t duke i thënë: “kurrë mos thuaj kurrë”.
“Do ta shohim me kalimin e kohës se çfarë do të ndodhë”, deklaroi Trump.
“Ne kemi një sektor automobilistik të jashtëzakonshëm midis nesh. Nuk ka asnjë gjë që mund ta detyrojë SHBA-në të heqë tarifat. Ky është një diskutim më i madh që do të kërkojë kohë dhe më shumë biseda”, shtoi më tej kryeministri kanadez.
Ndërkohë që Trump tha se SHBA-të “gjithmonë” do ta mbrojnë Kanadanë dhe shton se “nuk është çështje parash”.
Lini një Përgjigje