FLASH
Shkruar nga Pamfleti
Kryeministri Rama ka zhvilluar sot një takim elektoral në Kavajë, në prag të zgjedhjeve të 11 majit. Ai u shpreh se 2 pikat që kanë mbështetur pa kushte PD-në Kavaja dhe Tropoja kanë pasur më pak investime nga qeveritë e Berishës.
Rama komentoi dhe primaret e PD-së, ku sipas tij më të mirët nuk janë në listat për deputetë. Ai tha kandidati Hysen Kadiut në Kavajë, i cili doli kandidati i parë në qarkun e Tiranës, nuk u përfshi nga Berisha në lista. Kryeministri shton se Berisha “nuk dëshiron individë të lirë, por do skllevër”.
“Më i rëndësishmi në atë skuadër për ata që vazhdojnë të mendohen çfarë të bëjnë me 11 maj, është ai kryetari i PD-së në Kavajë që bëri një faj shumë të madh, fitoi primaret në gjithë Tiranën. Dhe duke fituar gjithë Tiranën, përfundoi në barkun e bufit, e hëngri. Bufi nuk do individë të lirë. Do skllevër. Nuk do qytete të bukura, do vendbanime që të jetojnë me hijen e tij.
Parafytyrojeni, mori mbështetje në disa pike, por 2 pika e kanë mbështetur symbyllur, Kavaja dhe Tropoja. Janë 2 pikat që kanë pasur më pak investime nga qeveria e bufit. Mendoni se është rastësi që e hëngri Hysën e shkretë? Është te barku bufit. Nuk është vetëm Hysa. Të gjithë që fituan se kishin një fytyrë të tyrin, sinqeritet të tyrin, njerëzillëk të tyrin, nuk janë në skuadrën e bufit. Nuk po them gjel e Peqinit, Dash Sulën”, tha Rama.
Lini një Përgjigje