FLASH
Shkruar nga Pamfleti
Kolegji Zgjedhor ka rrëzuar kërkesën e kandidates së Partisë Demokratike në qarkun e Durrësit Andia Ulliri, e cila kërkonte mandatin që Komisioni Qendror i Zgjedhjeve i kishte dhënë Arjan Ndojës.
Si rezultat, mandati i mbetet Arjan Ndojës. Në fillim të seancës, avokati i ish-prokurorit kërkoi që Andia Ulliri të mos njihej si palë legjitime në këtë proces.
Pas dëgjimit të palëve dhe shqyrtimit të kërkesës, trupi gjykues vendosi pushimin e çështjes, duke arsyetuar se Andia Ulliri nuk legjitimohet si palë paditëse.
Më 30 korrik, Komisioni i Ankesave dhe Sanksione ka rrëzuar ankimimin e kandidates demokrate për zgjedhjet e 11 majit, Andia Ulliri duke lënë në fuqi mandatin e deputetit për qarkun Durrës në listën e hapur tek ish-prokurori, Arjan Ndoja.
Në kërkesën e saj, Ulliri theksoi se renditja e kandidatëve fitues, siç pasqyrohet aktualisht në faqen zyrtare të KQZ-së, nuk respekton përfaqësimin gjinor të përcaktuar qartë në Kushtetutë dhe në Kodin Zgjedhor.
Lini një Përgjigje