FLASH
Shkruar nga Pamfleti
Kryetari i Partisë Demokratike, Sali Berisha ka mbërritur në burgun e Fierit për të takuar ish-deputetin demokrat, Ervin Salianji.
Siç duket nga pamjet, shoqëruesi i Berishës mban në duar një qese kartoni që me siguri bëhet fjalë për ndonjë dhuratë që kryedemokrati ka zgjedhur t’i bëjë Salianjit.
Berisha shoqërohet edhe nga Sekretari i Përgjithshëm i PD-së, Flamur Noka.
Salianji ndodhet në burgun e Fierit prej datës 27 Shtator 2024. Ish-deputeti akuzohet për “kallëzim të rremë publik” në lidhje me çështjen “Babale” pasi Gjykata e Apelit la në fuqi vendimin e Shkallës së Parë për dënimin e Salianjit me 1 vit burg.
Arrestimi i tij u pasua me një sërë reagimesh politike të krahut të djathtë, të cilët e cilësuan dënimin e tij me burg si vendimmarrje politike.
Lini një Përgjigje