FLASH
Shkruar nga Pamfleti
Shtohen përplasjet dhe akuzat në PD lidhur me listat e kandidatëve...
Sali Berisha u ka dhënë goditje nën brez fituesve në Primare. Një pjesë e madhe janë lënë jashtë listave të sigurta duke shkaktuar pakënaqësi. Dy më të penalizuarit janë Dashnor Sula dhe Hysen Kadiu, njëri doli i pari në Elbasan dhe tjetri në Tiranë. Të dy janë larguar nga gara duke mbetur jashtë. Kjo që po ndodh ka shkaktuar pakënaqësi dhe në degë.
Një grup firmëtarësh të Partisë Demokratike në Fier dhe konkretisht të zonës së Divjakës i kanë dërguar Kryesisë dhe kreut të PD Sali Berisha, pakënaqësitë për listën e mbyllur të këtij qarku, ku nuk është përfshirë emri i kandidates Elisabeta Rredhi, që u vlerësua në Primaret e këtij qarku me votën e 492 anëtarëve.
Ndërkohë, emrat e deputetëve që bëjnë pjesë në listën e mbyllur në Fier janë: Gazment Bardhi, Luan Baçi, Brunilda Haxhiu (PL), Eduart Sharka dhe Saimir Korreshi.
Peticioni i firmëtarëve të zonës së Divjakës:
“KRYETARIT TË PDSH Z. SALI BERISHA.
TË NDERUAR ANËTARË TË KRYESISË SË PDSH,
I NDERUAR ZOTI BERISHA.
Pas procesit të primareve që përcaktonte se pushteti politik për zgjedhjen e kandidaturave për deputet do ta kishte anëtarësia, deri tani sipas informacioneve rezulton një farsë dhe me përzgjedhje klanore.
Ne po ndjekim me shqetësim te thelle se pas 12 viteve opozite dhe qëndrese, serish nuk po respektohet nga Kryesia e PDSH verdikti i demokratëve nëpërmjet zgjedhjes së primareve, por po gjenden artificie për shmangien e tyre duke na demotivuar për të punuar në funksion të fitores së PD.
Ne si degë e PD Divjakë nuk ndihemi të përfaqësuar pasi fituesja e primareve e vendit të parë nga zonjat me 492 vota në Qarkun Fier dhe e treta në Republikë, me një mbështetje elektorale dhe kontribut të rëndësishëm nuk përzgjidhet nga Kryesia në listën e sigurt, por i ofrohet vendi në listën e hapur. Zonja në fjalë ka kontribuar dy herë si kandidate në vitin 2017 dhe 2021.
Dega Divjakë ka marrë rezultate të rëndësishme në çdo palë zgjedhje dhe është një ndër degët më të mira të Qarkut Fier, mbështetëse në të gjitha aksionet opozitare në këto 12 vjet.
Lista e Qarkut Fier sipas informacioneve paraprake nuk është listë fituese dhe një listë që të sillte risi, emra të rinj dhe me reputacion, pasi Fieri është qarku më i majtë në Shqipëri, po i serviren elektoratit e njëjta fotografi kandidatësh.
Lini një Përgjigje