FLASH
Shkruar nga Pamfleti
Partia Demokratike ka reaguar lidhur me deklaratën skandaloze të kryeministrit Rama për “Financial Times”. Rama tha se “Kosova është një pikë e nxehtë. Me kalimin e viteve është bërë toka e askujt”, duke vënë ën dyshim sovranitetin.
Zëdhënësja e PD-së Mirela Karabina është shprehur se Rama duhet që të japë me urgjencë sqarime për qëndrimet e tij për Kosovën, pasi sipas saj kjo deklaratë shton dhe me shumë dyshimin se kujt po i shërben kreu i qeverisë shqiptare.
Ajo shtoi se nga Shqipëria dhe Kosova i kërkohet kryeministrit të japë sqarime për qëndrimet e tij në dëm të Kosovës, ndërsa “aleanca e kullave” në konferencën e kryetarëve vendos qe ai nuk ka pse të japë sqarime.
Deklarata e plotë:
Edi Rama duhet me urgjencë të japë sqarime për qëndrimet e tij për Kosovën.
Deklarata e fundit në Financial Times se: “Kosova është një pikë e nxehtë. Me kalimin e viteve është bërë toka e askujt ….” e shton dhe me shumë dyshimin se kujt po i shërben Edi Rama.
Por fatkeqësisht aleanca e kullave e gjeti gjuhën sot për të pastruar Edi Ramën dhe për ta çliruar atë nga detyrimi për të dhënë llogari për deklarata skandaloze e në dëm të shtetit të Kosovës.
Nga Shqipëria dhe Kosova i kërkohet kryeministrit të japë sqarime për qëndrimet e tij në dëm të Kosovës, ndërsa aleanca e kullave në konferencën e kryetarëve vendos qe ai nuk ka pse të japë sqarime.
Fshehja pas gjoja mocionit me debat, është thjesht një përpjekje për t’i dhënë mundësi Edi Ramës të ikë nga përgjegjësia e tij.
Lini një Përgjigje