FLASH
Shkruar nga Pamfleti
Nëse Partia Demokratike fiton zgjedhjet parlamentare të 11 Majit, reforma në drejtësi do të ndryshojë.
Kështu thotë kreu i PD Sali Berisha, i cili në një intervistë për emisionin Opinion në Tv Klan i është referuar SPAK-ut.
Sipas Berishës, do të thërrasë Komisionin e Venecias dhe do të skanohet puna e prokurorëve të SPAK, që sipas tij, nëse rezultojnë se nuk kanë vepruar ose bashkëpunuar me krimin, do të largohen nga detyra.
“Secili prej tyre që ka fjetur mbi dosjet e krimit do shkojë te kriminelët. Do ndryshojë drejtësia. Nuk mundet të më imponojë kush të mbaj kriminelë në detyrë. Do marr Komisionin e Venecias, do vemë dosjet përpara, sepse këta zotërinjtë në vend se të kërkojnë ndihmën e publikut…unë kërkova komisionin e të vërtetës, kurse këta i shpallin sekret shtetëror lidhjet e krimit me politikën”, tha ai.
Më herët, në Opinion, Sali Berisha përmendi se reformimin e drejtësisë së re do ta bëjë përmes Komisionit të Venecias dhe referendumit popullor, por përjashtoi kategorikisht një bashkëpunim me Edi Ramën.
Lini një Përgjigje