FLASH
Shkruar nga Pamfleti
Kryetari i Partisë Demokratike, Sali Berisha, ka prezantuar kandidatët e koalicionit “Aleanca për Shqipërinë Madhështore” në Vorë, ku theksoi rëndësinë e rikthimit të fokusit tek familja shqiptare dhe mbështetja ekonomike për të gjitha brezat.
Berisha u ndal tek sfidat sociale dhe ekonomike me të cilat përballen qytetarët, duke i cilësuar ato si pasojë e keqqeverisjes aktuale.
“Familja shqiptare ka nevojë të mbështetet ekonomikisht që pensionistin që ka në varësi mos ta ketë barrë. Familja ka nevojë që vajza dhe djali i saj të mos marrin rrugët sepse sofra nuk i mban më, por të shkollohen, të punësohen dhe të ndërtojnë ëndrrën e tyre këtu, në vendin e tyre,” tha Berisha.
Ai u bëri thirrje qytetarëve të mos dorëzohen përballë vështirësive dhe të besojnë se ndryshimi është i mundur me votë. Sipas tij, koalicioni opozitar ofron një alternativë reale për të ndalur emigrimin masiv dhe për të garantuar mirëqenie dhe shpresë për çdo familje shqiptare.
Berisha tha se zgjedhjet e 11 majit janë një mundësi për të “rikthyer shpresën në sofrat shqiptare” dhe për të ndërtuar një të ardhme më të drejtë dhe të barabartë.
Lini një Përgjigje