FLASH
Shkruar nga Pamfleti
Ka nisur seanca në Parlament, teksa kreu i grupit parlamentar të PD Gazment Bardhi ka kërkuar që të zhvillojë një interpelancë me kryeministrin Edi Rama për pagesën 110 mln euro të shtetit shqiptar, për biznesmenin italian Francesco Becchetti.
Bardhi i ka bërë apel kryetares së Kuvendit, Elisa Spiropali që të ndalte seancën dhe të thërriste kreun e qeverisë.
Por, Spiropali u shpreh se për shkak të axhendës së Ramës interpelanca nuk mund të zhvillohet, duke shtuar se do të mbahet seancën e ardhshme parlamentare.
Gazment Bardhi: Grupi i PD ka kërkuar interpelancë me kryeministrin Edi Rama për ekzekutimin e një pagese një shume prej 110 mln euro për dikë që kryeministri e ka quajtur mafioz, Pse nuk është përfshirë në rend dite? Kërkesa procedural do duhet të ndërprisni seancën dhe thërrisni kryeministrin.
Çështja që kemi ngritur është madhore për interesin publik, kryeministri tha se nuk do të marrë asnjë lekë nga buxheti i shtetit, Ka marrë më shumë se bonusi i planifikuar nga ju për pensionistët.
Spiropali: Kërkesa juaj është marrë, është përcjellë në Këshillin e Ministrave dhe Kryeministrit, por për shkak të axhendës së Kryeministrit nuk mund të zhvillohet sot, por do zhvillohet në seancën e radhë
Lini një Përgjigje