FLASH
Shkruar nga Pamfleti
Kryetari i Partisë së Lirisë, Ilir Meta nga një takim në Vaun e Dejës ka komentuar vendimin e djeshëm të gjykatës së Apelit, e cila i la në dorë vulën e PD, Alibeajt.
Meta tha se vetëm një naiv e mendonte se do të ishte ndryshe vendimi i dhënë dje nga gjykata, ndërsa akuzoi Ramën se fshihet pas.
“Vendimi i gjykatës e tregon qartë, se si është kjo drejtësi, të dalë nga Ramaforma. Nuk kam pasur asnjë iluzion se do të vinte ai vendim. Vetëm zvarritja e çështjes ishte arritje e Ramës. Vetëm një naiv mendonte se mund të ishte ndryshe vendimi dje. Vetëm një naiv mund të mendonte që mund të kishim gjykata që me falsifikime të Dvoranit, të betuar nga Rama, keni parë betime te noteri, te Lana, që shokuan Komisionin e Venecias. Ta kthejmë 14 majin në një referendum. ”, tha ai.
Meta tha se Rama duhet t’i shuaj shpresat nëse mendon se opozita s’do të marrë pjesë në zgjedhje.
“Por përmes këtij akti kaq brutal që ka shokuar çdo njeri që ka njohuritë më minimale ne jurisprudencë, Rama tregoi panikun e thellë në të cilin është nga zgjedhjet që po vijnë, nga opozita e vërtetë, deligjitimoi tërësisht qeverisjen e vet. Çdo shpresë e tij se opozita do mungojë në 14 maj të jetë qartësisht e shuar për cilindo, opozita do jetë më 14 maj te qendrat e votimit, do i kthejë zgjedhjet e 14 majit në një referendum për pluralizmin në Shqipëri. Kemi një pushtet vendor monist, një pushtet vendor diskriminues e jo transparent”, -u shpreh Meta.
Lini një Përgjigje