FLASH
Shkruar nga Pamfleti
Basha i ka kujtuar Metës bllokun e famshëm, teksa e cilëson si simbol të pandëshkueshmërisë...
Hapja e hetimeve për vrasjet e 21 janarit 2011 nga SPAK, duket se ka trazuar politikën. Të gjithë e dimë se ajo protestë u bë për bllokun 700 mijë euro të Ilir Metës. Pasi doli videoja e famshme e Dritan Priftit, PS doli në tubim duke kërkuar largimin e qeverisë.
Mirëpo sot Ilir Meta doli para gazetarëve duke tentuar të lajë duart nga ajo masakër. Ai ja faturoi 4 vrasjet Lulzim Bashës, duke thënë se ministri i Brendshëm i asaj kohe e dinte situatën dhe nuk mori masa.
“SPAK organizatë kriminale që drejtohet nga Dum Dumani. Pas dështimit ku përfaqësues të opozitës e disketituan dhe ku ai botërisht deklaroi se krimi i inceneratorëve ishte intelektual e nuk ishte i lehtë të hetohej, kur gjithë shqiptarët e dinë që është grabitje pa maska në sytë e të gjithë botës… Drejtësia me regji hap 21 Janarin dhe gjen ditën sot për të ndaluar diskretitimin e Dum Dumanit seancën e kaluar në Kuvend. SPAK kërkon të mbajë në presion liderin e PD dhe opozitën e vërtetë ndaj regjimit të narko-trafikantit Rama, sepse është e qartë që nëse ka përgjegjësi në 21 Janar, është e Lulzim Bashës, i cili është paralajmëruar për gjakderdhjen që pritej nga banditët e Ramës. E ka pasur të shkruar skenarin dhe nuk ka marrë asnjë masë për parandalimin e vrasjeve të shëmtuara që ndodhën në bulevard”, tha ai.
Por Basha ka reaguar shumë ashpër. Ish-kreu i PD i ka kujtuar atij bllokun e famshëm, teksa e cilëson si simbol të pandëshkueshmërisë. Sipas tij, 2 vite më pas Meta u bë pjesë e qeverisë së Ramës, pavarësisht se çfarë kishte thënë për të.
“Drejtësia ka shumë për të zbardhur për 21 janarin. Nga Ilir Meta, njeriu me bllok, te Edi Rama, organizatori i protestës me sebepin e bllokut, i cili më pas çuditërisht e bëri Ilir Metën pjesë të pushtetit dhe ata që i akuzonte si pjesë e grupit të zjarrit i emëroi kryetar të PS dhe të Bashkisë. E më pas e gjithë e vërteta deri në fund.
Mashtrimet ordinere dhe zig-zaget e përditshme nuk mund t’i fshehin faktet të cilat janë para syve të çdo shqiptari. I njëjti person që sot bën sikur mbron Sali Berishën, ka bërë akuza nga më monstruozet ndaj tij edhe në këtë rast.
Ilir Meta është simbol i pandëshkueshmërisë dhe i pazareve në kurriz të shqiptarëve dhe demokratëve. Pazaret, deliret dhe ankthet e tij kanë dëmtuar rëndë opozitën, ndërsa distancimi nga ai dhe të ngjashmit e tij janë kusht i pashmangshëm për fitoren e saj”, shkruan Basha.
Pra duket sikur SPAK u ka futur të dridhurat autorëve të asaj masakre dhe fakti që gjërat kanë nisur të lëvizin, dëshmon se ka shumë për tu zbardhur.
Lini një Përgjigje