FLASH
Shkruar nga Pamfleti
Pesë deputetë të Kuvendit do të lënë mandatin e ligjvënësit për të garuar në zgjedhjet elektorale të 14 majit për kryetar bashkie.
Nga Partia Socialiste, dy do të jenë deputetët që do të heqin dorë nga mandati i tyre.
I pari është deputeti i qarkut të Shkodrës, Benet Beci i cili do të tentojë të fitojë bashkinë e vetme që socialistët nuk kanë mundur ta drejtojnë.
Largimi i Benet Becit, rikthen mundësinë e Ilir Beqajt për t’u ulur sërish në parlament.
Kuota gjinore nuk është problem sepse është plotësuar me Edona Bilalin. Në rast se Beqja do të refuzojë mandatin, atëherë përfaqësimi i kalon Frrok Gjinit.
Deputeti i dytë që do të lë mandatin për të garuar në zgjedhje është Besjan Ajazi të cilit i është besuar kandidimi në bashkinë e Gramshit. Në qarkun e Elbasanit, vendin e tij në kuvend pritet ta zërë, Shkëlqim Bullari.
Në kampin opozitar, 3 do të jenë deputetët që do të heqin dorë nga posti.
Në Tiranë, Belind Këlliçi do të tentojë të fitojë përballë Erion Veliajt. Heqja dorë nga mandati i Këlliçit, pritet të rikthejë në kuvend një tjetër figurë, Asllan Dogjanin.
Deputeti Luçiano Boçi, do të lërë mandatin për të garuar për bashkinë e Elbasanit. Mandatin e deputetit pritet ta marrë Qani Xhafa.
Zef Hila është një tjetër deputet që do të lërë mandatin për bashkinë e Vaut të Dejës. Vendin e tij pritet ta zërë Lodovik Hasani, pasi Bardh Spahia që është i radhës në listë, pritet ta refuzojë.
Në Malësinë e Madhe do të kandidojë deputeti Ramadan Lika, largimi i të cilit pritet të rikthejë në parlament Izmira Ulqinakun, e cila edhe më herët ka qenë deputete e PD.
Të 5 deputetët që do të hyjnë në garë do duhet të dorëzojnë mandatin brenda kësaj jave në mënyrë që KQZ t’i regjistrojë të hënën e ardhshme./Pamfleti
Lini një Përgjigje