FLASH
Shkruar nga Pamfleti
Një tragjedi ka ndodhur mesditën e sotme në plazhin e Vilë-Boshtovës. Mësohet se 50 vjeçari Elvis Halilaj u fut në det që të shpëtonte dy djemtë e tij të mitur rreth 13 dhe 15 vjeç dhe ka mbetur edhe vetë i mbytur. Bëhet e ditur se i pari që është mbytur ka qenë djali i vogël.
Deti ka nxjerrë në breg të parin babanë e 2 djemve të mitur dhe më pas janë nxjerrë edhe dy djemtë pak më vonë. Viktimat janë dërguar në morgun e spitalit të Kavajës.
Shqetësim në vijën bregdetare në atë zonë mbetet fakti se ka mungesë të rojeve bregdetare e nëse nuk merren masa rrezikon që tragjedi të tilla të përsëriten. Po ashtu e nevojshme është edhe vendosja e kufizuesve në det.
Pas ngjarjes tragjike në plazhin Vilë-Boshtovë, në Kavajë janë vendosur flamujt e kuq në bregdet. Flamujt janë vendosur për të sinjalizuar pushuesit që deti është i trazuar dhe rrymat janë të forta.
Lini një Përgjigje