FLASH
Shkruar nga Pamfleti
Policia e Shtetit ka dhënë detaje lidhur me gjetjen e automjetit të Julian Gjoshit, autorit të dyshuar të vrasjes së 50-vjeçarit Alfred Dedja, pasditen e djeshme në Ndroq.
Makina mësohet se është gjetur në fshatin Shkallnur në Durrës, e braktisur. Pas kontrolleve të kryera nga polica, brenda mjetit nuk është gjetur asgjë e paligjshme. Ndërkohë që më pas mjeti është transportuar në ambientet e policisë për një ekspertizë më të hollësishme.
“Tiranë/ Në vijim të kontrolleve të kryera nga shërbimet e Drejtorisë Vendore të Policisë Tiranë, në bashkëpunim me shërbimet e Drejtorisë Vendore të Policisë Durrës dhe të Forcës Kombëtare të Sigurisë, për lokalizimin dhe kapjen e autorit të vrasjes së ndodhur ditën e djeshme, në një lokal në Ndroq, është gjetur i braktisur në fshatin Shkallnur, automjeti me të cilin dyshohet se ka lëvizur autori i dyshuar i vrasjes.
Gjatë kontrollit në automjet, shërbimet e Policisë nuk kanë konstatuar ndonjë send të kundërligjshëm. Automjeti u transportua në ambientet e Policisë dhe do t’i nënshtrohet ekspertizës. Ndërkohë vijon puna për kapjen e autorit të dyshuar të vrasjes dhe për zbardhjen e rrethanave të saj”, njofton policia.
Lini një Përgjigje