FLASH
Shkruar nga Pamfleti
Një 32-vjeçar është vënë në pranga nga policia e Dibrës pasi vodhi çantën e një shtetasi, brenda të cilës kishte shuma parash në lekë dhe në euro.
Sipas uniformave blu, si arrestuari me incialet S.B, rezulton i dënuar më parë për vjedhje.
Ndërkohë pas kontrollit të ushtruar nga policia në banesën e tij, u gjet dhe sekuestrua një sasi lënde narkotike kanabis, e ndarë në doza gati për shitje, 270 fara kanabisi, 6 kubikë në të cilat kishte kultivuar fara kanabis dhe municion luftarak.
"Shërbimet e Komisariatit të Policisë Dibër në bashkëpunim me Specialistët për Hetimin e Narkotikëve dhe Trafiqeve të DVP Dibër, pas marrjes së njoftimit se shtetasit M.B., i kishin vjedhur çantën brenda së cilës kishte një shumë parash (në euro dhe në lekë) organizuan punën për identifikimin dhe kapjen e autorit.
Në kuadër të operacionit policor të koduar “Përsëritësi”, bazuar në inteligjencën policore dhe veprimet e shpejta hetimore, u bë i mundur identifikimi, lokalizimi, kapja dhe arrestimi i autorit të dyshuar të vjedhjes, shtetasi S.B., 32 vjeç, banues në fshatin Laças, Dibër, i dënuar më parë për vjedhje.
Gjatë kontrollit të banesës së 32-vjeçarit, shërbimet e Policisë gjetën e sekuestruan një sasi lënde narkotike kanabis, e ndarë në doza gati për shitje, 270 fara kanabisi, 6 kubikë në të cilat kishte kultivuar fara kanabis dhe municion luftarak.
Materialet procedurale i kaluan Prokurorisë Dibër, për veprime të mëtejshme", njofton policia.
Lini një Përgjigje