FLASH
Shkruar nga Pamfleti
Rreth 12 mijë bimë kanabisi janë asgjësuar nga policia ditën e sotme në veri të vendit.
Policia vijon operacionin e koduar “Alpe të pastra”. Mbi 70 policë u angazhuan si dhe u pëdorën 5 dronë, për kontrollin e territorit malor të fshatrave të Shkodrës, Vaut të Dejës dhe Pukës.
Në fazën e dhjetë u asgjësuan në total 11609 bimë të dyshuara narkotike cannabis sativa, prej të cilave: 11250 bimë në Pult, Shosh dhe Shalë, Shkodër; 239 bimë në fshatrat Arrë dhe Temal, Vau i Dejës dhe 120 bimë në fshatin Kabash, Pukë.
Ndërkohë është arrestuar autori i dyshuar i kultivimit të bimëve në fshatin Kabash të Pukës, një 59 vjeçar banor i këtij fshati.
Sakaq, vijon puna për identifikimin dhe kapjen e shtetasve që dyshohet se kanë kultivuar bimët që janë gjetur në fshatrat e tjera.
Gjatë fazave të mëparshme të këtij megaoperacioni, janë asgjësuar në total 46 575 fidanë dhe bimë narkotike cannabis sativa, janë vënë në pranga 3 autorë të dyshuar dhe janë shpallur në kërkim 9 të tjerë.
Megaoperacioni policor antikanabis “Alpe të pastra”, vijon.
Lini një Përgjigje