FLASH
Shkruar nga Pamfleti
Detaje të reja kanë dalë në dritë në lidhje me velierën e braktisur, ku pronari Fellmann Frank Rudiger, 85 vjeç, e cila u gjet më 12 shtator e ngecur në rërë disa metra larg nga bregu, në territorin e fshatit Karpen të Kavajës, ende nuk është gjendur.
Sipas informacioneve, bëhet me dije se dyshimet mund të jenë se ai është mbytur në det nga stuhia, ndërsa edhe i biri ka deklaruar se nuk ka kontaktuar me të atin prej një muaji.
Gjatë kontrollit janë gjetur dhe sekuestruar 1 armë zjarri pistoletë tip “Walther”, 1 krehër pistolete, municion luftarak, 2 celularë, 1 laptop dhe dokumentet e mjetit lundrues, po ashtu dhe një pasaportë gjermane me emrin Fellmann Frank Rudiger, 85 vjeç.
Nga verifikimet e kryera në bashkëpunim me Guardia di Finanza-n paraprakisht rezulton se mjeti lundrues është nisur nga Bari, Itali, me drejtim Kroacinë.
Policia është duke kryer verifikimet nëse 85-vjeçari ka qenë i vetëm në bord apo me persona të tjerë.
Nuk ka të dhëna se çfarë mund të ketë ndodhur me drejtuesin e mjetit lundrues, nëse ai ka rënë në det si pasojë e dallgëve apo motit të keq, apo nëse është vrarë gjatë një ngjarjeje kriminale.
Lini një Përgjigje