FLASH
Shkruar nga Pamfleti
Del autopsia e 14-vjeçares me origjinë shqiptare Aurora Tila, e cila vdiq në Piacenzca të Italisë më 25 tetor të vitit 2024, ku u dyshua se kishte kryer vetëvrasje duke u hedhur nga tarraca.
Mediat italiane bëjnë me dije se në përgjigjen e autopsisë, e mitura mendohet të jetë shtyrë, pasi në kafkën e saj ka pasur lëndime.
Ndërsa mjeku i saj, Giovanni Cechetto është shprehur se plagët që Aurora ka marrë nuk përputhen me një vetëvrasje.
“Lëndimet që ajo kishte nuk janë në përputhje me vetëvrasjen”, tha mjeku ligjor Giovanni Cechetto.
I dyshuari i vrasjes së 14-vjeçares dyshohet të jetë ish i dashuri i saj 15 vjeç, i cili ndodhet aktualisht në burg, i akuzuar për vrasje me dashje. Ky dyshim është përforcuar edhe nga përgjigja e autopsisë, që konfirmon se e mitura është shtyrë nga vetë ai.
Dëshmitarët e ngjarjes janë shprehur se Aurora ishte munduar të mbahej në parmakët e dritares për të shpëtuar, por 15-vjeçari e ka goditur në duart e saj, duke bërë që ajo të rrëzohej dhe të humbte jetën.
Lini një Përgjigje