FLASH
Shkruar nga Pamfleti
Ngacmimi i një vajze në qytetin e Korçës, është bërë shkak për plagosjen me thikë të Ergys Shtyllës.
Shtylla dhe autori i krimit me inicialet D.M, që tashmë është shpallur në kërkim nga policia e qytetit, janë konfliktuar për një femër, duke sjellë më pas përplasjen e tyre fizike.
39-vjeçari e ka qëlluar me thikë në trup Ergys Shtyllën duke çuar në plagosjen e tij dhe është larguar menjëherë nga vendi i ngjarjes për të mos u kapur ende nga policia e qytetit.
Ndaj autorit të krimit ka nisur një procedim penal për akuzën e “Plagosjes së rëndë me dashje”, ndërsa një urdhër arresti është lëshuar nga prokuroria për arrestimin e tij.
Identifikimi i D.M është realizuar përmes dëshmisë së dhënë në polici nga vetë i plagosuri, Shtylla, i cili teksa po mjekohej në spitalin Rajonal të Korçës ka dhënë shpjegime dhe për policinë.
Tashmë policia po kryen veprime hetimore me qëllim lokalizimin dhe arrestimin e D.M.
Lini një Përgjigje