FLASH
Shkruar nga Pamfleti
Një aksident i rëndë është regjistruar pasditen e sotme në qytetin e Korçës, ku një makinë ka përplasur një 79-vjeçar, i cili po udhëtonte me biçikletë.
Sipas informacioneve, një makinë tip "Benz" ka përplasur 79 vjeçarin Muhamet Allisha, me biçikletë përballë katedrales së qytetit.
79-vjeçari u dërgua me ambulancë në spital, por nuk ka mundur t’i mbijetojë plagëve të marra dhe si rezultat ka ndërruar jetë.
Drejtuesi i mjetit mësohet se është shoqëruar në komisarit ndërkohë që grupi hetimor po punon për sqarimin e rrethanave dhe përcaktimin e shkaqeve të aksidentit.
"Sot rreth orës 16:15, në bulevard "Republika", Korçë, automjeti tip "Benz", me drejtuese shtetasen O. M., ka aksidentuar biçiklistin M. A., rreth 79 vjeç, banues në Korçë, i cili u transportua për mjekim në spitalin e Korçës. Me drejtuesen e automjetit, po kryhen veprimet e mëtejshme procedurale", njofton policia.
Lini një Përgjigje