FLASH
Shkruar nga Pamfleti
Një ngjarje e rëndë ka ndodhur në Itali, ku një 62-vjeçar shqiptar ka humbur jetën si pasojë e një aksidenti në kantierin e ndërtimit ku punonte.
Mësohet se ngjarja ka ndodhur në Itali, në Cesena. Shqiptari i identifikuar si Alfred Malhllari humbi jetën rreth orës 12:15 të së premtes.
Dinamika e aksidentit nuk është zbardhur e plotë, ndërsa paraprakisht dyshohet se një mjet tip buldozer, i cili do të ngarkohej në një kamion ka rrëshqitur duke e shtypur 62-vjeçarin.
Në momentin që buldozeri po lëvizte në rampa, ai papritur u përmbys dhe ra mbi shqiptarin.
Kur mbërritën ekipet e urgjencës nuk mund të bënin asgjë, pasi 62-vjeçari kishte humbur jetën.
Policia po heton shkaqet e aksidentit dhe po përpiqet të kuptojë pse rampa dështoi, a ishte pozicionuar keq apo për shkak të ndonjë defekti teknik.
Lini një Përgjigje