FLASH
Shkruar nga Pamfleti
Dhuna në familje dhe tradhëtia në marrëdhënie kanë çuar Fatbardha Palin në vetëvrasje. Ngjarja ndodhi mbrëmjen e sotme ku policia e ka gjetur të ndjerën të varur në Pirgo të Greqisë.
Ajo u dërgua me urgjencë në spital, por mjekët thanë se nuk kanë mundur ta shpëtojnë. Duket se shkak i vetëvrasjes së saj ishin problemet familjare, dhuna e ushtruar në familje dhe tradhëtia e bashkëshortit.
Viktima kishte publikuar një status në rrjete sociale ku ka shkruar për problemet e saj në martesë e familje.
“Turp të keni, mos e bëfshi pikën e hajrit sa të jeni gjallë. Ma latë çunin jetim”, ka shkruar e ndjera në atë që duket se është një mesazh para se të kryente vetëvrasjen.
Në të ajo akuzon bashkëshortin për tradhëti dhe se ka fshehur paratë e familjes, por ndërkohë i kërkon falje për veprimin e saj të birit dhe familjarëve të tjerë të vet.
“Të ka lënë mami 500 euro tek dollapi. O bir i nënës ika, por do ju shikoj nga larg”, shkruhet në mesazhin e të ndjerës.
Banorë të zonës thonë se viktima ishte njeri pa probleme dhe mjaft punëtore. Ajo la pas një djalë.
Lini një Përgjigje