FLASH
Shkruar nga Pamfleti
Policia ka reaguar lidhur me ngjarjen e rëndë të ndodhur në Vlorë, ku një fëmijë i mitur humbi jetën në mënyrë tragjike pasi ra nga lartësia.
Sipas policisë, bëhet me dije se ngjarja ka ndodhur rreth orës 18:30 në lagjen “Pavarësia 3”, në Vlorë. I mituri, vetëm 2 vjeç, dyshohet se ka rënë aksidentalisht nga ballkoni i banesës në pallatin ku jetonte.
Bëhet me dije se fëmija ka ndërruar jetë në vendngjarje si pasojë e dëmtimeve të marra nga rënia. Policia njofton se në momentin e ngjarjes, i mituri ndodhej në banesë së bashku me nënën e tij, shtetasen me inicialet K.H.
Grupi hetimor po vijon punën për zbardhjen e plotë të rrethanave të kësaj ngjarjeje.
"Sot, rreth orës 18:20, në lagjen “Pavarësia 3”, një fëmijë 2 vjeç, dyshohet se aksidentalisht ka rënë nga ballkoni i banesës në pallatin ku banonte dhe për pasojë ka ndërruar jetë në vend.
Nga të dhënat paraprake rezulton se fëmija ndodhej në banesë së bashku me nënën e tij, shtetasen K. H.
Grupi hetimor nën drejtimin e Prokurorisë ndodhet në vendngjarje dhe po vijon punën për sqarimin dhe dokumentimin e plotë të rrethanave të ngjarjes", njoftoi policia.
Lini një Përgjigje