FLASH
Shkruar nga Pamfleti
Policia e Tiranës ka dhënë detaje lidhur me tentativën e grabitjes së filialit të FiBank në zonën e ish-Parkut.
Policia arrestoi 58-vjeçarin, Bardhyl Fusha, ndërsa në njoftimin zyrtar thuhet se ai ka qëlluar me armë zjarri brenda filialit të Bankës.
Tiranë/Informacion paraprak
Rreth orës 11:15, në Rrugën e Kavajës, shtetasi Bardhyl Fusha, rreth 58 vjeç, dyshohet se ka hyrë në ambientet e një banke, me qëllim vjedhjen e saj, duke qëlluar me armë zjarri, në dysheme. Nga të shtënat nuk ka shtetas të dëmtuar.
Shërbimet e Policisë kanë ndërhyrë menjëherë pas marrjes së njoftimit dhe kanë bërë të mundur kapjen e autorit të dyshuar në tentativë për tu larguar nga vendi i ngjarjes. Autori i dyshuar është shoqëruar në Komisariat. Gjithashtu, është sekuestruar arma e zjarrit.
Në përfundim të veprimeve hetimore do të jepet informacion më i plotë për rastin.
Lini një Përgjigje