FLASH
Shkruar nga Pamfleti
Dy plagosje me thikë janë raportuar mbrëmjen e sotme në Kukës dhe Tiranë.
Mësohet se 46-vjeçar është goditur me thikë, në rrugën ‘Shaban Bardhoshi’, pranë zonës së Kombinatit.
Sipas policisë, konflikti mes dy personave ka ndodhur për motive të dobëta, ndërsa raportohet se 46-vjeçari me inicialet D.Xh., ndodhet në spital në kujdesin e mjekëve.
Policia ndodhet në vendngjarje dhe po punon për identifikimin dhe kapjen e autorit.
“Më datë 16.08.2024, rreth orës 21:00, në rrugën "Shaban Bardhoshi", dyshohet se gjatë një konflikti të çastit është goditur me mjet prerës shtetasi D. Xh., 46 vjeç, i cili ndodhet në kujdesin e mjekëve.
Grupi hetimor ndodhet në vendngjarje dhe po punon për identifikimin dhe kapjen e autorit dhe sqarimin e rrethanave të ngjarjes”, njofton policia.
Ndërsa një tjetër sherr me thikë ka ndodhur mes disa adolëshentëve, në Kukës.
Bëhet me dije se një 15-vjeçar është plagosur rëndë gjatë konfliktit. Urgjenca e spitalit rajonal të Kukësit e ka transportuar të miturin drejt Prizrenit pasi mungon mjeku kirurgë në Kukës.
“Një sherr i ndodhur mes disa adoloshentëve pranë “Kullës së qendresës” në qendër të qytetit të Kukësit rreth orës 20:30 minuta ka lënë të plagosur rëndë një minoren.
Pamjet ku ka ndodhur ngjarja janë të rënda pasi shkallët e kullës janë me pellgje gjaku.
Spitali Rajonal i Kukësit nuk ka arritur të bëj ndërhyrje më të specializuar për mungesë të stafit kirurgjikal. Urgjenca e Kukësit pasi i ka dhënë ndihmën e parë të riut e ka transportuar drejtë Spitalit të Prizrenit në gjendje të rëndë shëndetësore”, thuhet në njoftimin e policisë.
Lini një Përgjigje