FLASH
Shkruar nga Pamfleti
Dy punëtorë shqiptarë kanë mbetur të plagosur rëndë pasi një çati mbi të cilën po punonin u shemb dhe u rrëzuan nga kati i tretë.
Ngjarja ka ndodhur mëngjesin e djeshëm në "Triq Sir Luigi Preziosi" në Maltë.
Sipas "Times of Malta", mësohet se dy shqiptarët po punonin në një pronë në ndërtim e sipër, kur në një moment u hodhën në çatinë e pronës ngjitur.
Çatia u rrëzua bashkë me tavanet e dy kateve poshtë tyre, kështu dy të rinjtë përfunduan në katin e parë mbi rrënoja.
Ata ishin të moshës 26 dhe 32 vjeç, ku iu dha ndihma e parë mjekësore por gjendja shëndetësore ende nuk dihet.
Më pak se një javë më parë, një tjetër shqiptar ndërroi jetë kur një çati u shemb gjatë punimeve në një pronë në Sliema.
Bari Balla, baba i gjashtë fëmijëve vdiq në vend, ndërsa dhëndri i tij, i cili punonte me të, u plagos ndërsa ndodhet jashtë rrezikut për jetën.
Lini një Përgjigje