FLASH
Shkruar nga Pamfleti
Një 40-vjeçar shqiptar ka rënë në prangat e policisë torineze, pasi u kap me 31 kg kokainë të pastër e cila sipas autoriteteve italiane ishte e destinuar për tu shitur në rajonet veriore të Italisë, kryesisht në Piemonte.
Hetimet disa ditore nxorën në pah se disa automjete, në dispozicion të subjekteve shqiptare, përdoreshin për “shpërndarjen” e drogës në Piemonte. Hetimet bënë të mundur identifikimin e një makine specifike që mund të përdorej për transportin e drogës në territorin përkatës.
Efektivët e Njësisë së Policisë Ekonomiko-Financiare, natën mes 18 dhe 19 marsit, kanë lokalizuar automjetin në Emilia Romagna, veçanërisht në provincën e Ravenës, duke udhëtuar në drejtim të zonave veriperëndimore të vendit.
Automjeti i është nënshtruar një kontrolli të posaçëm në rrugë, duke përdorur edhe ndihmën e qenit. Gjatë veprimeve policore, qeni i drogës “KENIA” i Grupit të Policisë Financiare të Ravenës ka raportuar menjëherë për praninë e lëndëve narkotike në automjet. Pas zbulimit më të thelluar të makinës, u gjetën 27 blloqe kokainë, me peshë totale 31.155 kg, të fshehura brenda dy fundeve të vendosura në pjesën e pasme të kabinës së pasagjerëve.
Kjo sasi lënde narkotike, nëse do të hidhej në tregun “me pakicë”, mund të kishte sjellë të ardhura të paligjshme mbi 3 milionë euro.
Në përfundim të veprimtarisë, shqiptari u arrestua në flagrancë për veprën penale të trafikimit dhe mbajtjes së paligjshme të lëndëve narkotike ose psikotrope, me rrethanë rënduese sasi të mëdha.
Lini një Përgjigje